بنات الخاصه
طبعا بنات الخاصه ضرابتهم ماتتعدى الكلام
كل وحده تخااف على تسريحتها لاتخترب يااااااااااي هههههههـ ـههههههه
والميك أب لايسيح وملابسها الماااركه لايصير فيها شي << يااي بقووه بعد
نبدا مع الآنسه ريري : أنتي من سمح لج تقولين أسراري لصديقاتج
فوفو: انتي اللي بديتي يافتانه ..
ريري : ماتوقعتج كذا ياحقيره << مسبة بناات الخاصه الشهيره
فوفو : انتي كيف تتجرأين تقولين لي هالكلمه .. انجلعي يالبايخة
ريري. أنا بايخة يا سبالة <<< اوووووو عصبت البنت
فوفو : أنتي السبالة ياللي ماتعرفين تلبسين.. شوفي ملابسج يااااي بالمرة مالها داعي
ريري :خلاص روحي عني لاتكلميني أنا صج معصبه << قفلت معها
فوفو: ياجبانه هههههههه يامسكينه دايم تضحك علينا وتقول لبسها كله ماركه كشفتها الكذابه <<حمت الهوشه
وتقوم ريري وتكب الببسي على فوفو << أوف خطيره
والبنات كلهم بصوت واحد يااحرام تسريحتها خربت..
وبعدين كل وحده تاخذ لها زاويه وتجلس تصيح ولا رجعت البيت تكملها في حضن ماما
--------------------------------------------
بنات الحكومه
طبعا أمة محمد تجتمع ويشتغل التصفير والتصفيق وحـــبـتــين وكل وحده معاها فزعه ولا ضرابة العيال في الفريج
عووش :هدووني عليها والله لاخذ حقي منها والله لربيج يا......(مشفر) القناه الأولى
مريومه :والله شكلي أنا اللي بربيج ولو انتي بنت أبوج صدق مدي يدج والله لكسرها لج
عووش :مايابتها أمها اللي تكسر يدي .. هدوني عليها
ويبدا شد الشعر والترفس وكل وحده تسدح الثانيه والشعب يصرخ << عااشت عووش اضربيها طوووووووووط.....
وتطلع أنوااع الكشش واللي شعرها سلك موااعين الله يعينها تحاول تربطه بشتى الوسائل والطرق بس مافيه أمل
وساعات توصل للرضوض والجروح والأبله اللي مستغنيه عن مستقبلها المهني تفك بينهم
وبعدين ياخذون تهزيئه من المديره في الطاابور
وكل وحده فيهم شااقه الفم وتضحك وتحيي الجمااهير الغفيره اللي حضرت الضراب
اتمنى تعجبكم 
